ફાવી ગયું

સાવ નાની વાતમાં હસવું મને ફાવી ગયું,
લો સમયની સાથમાં રહેવું મને ફાવી ગયું.

યાતનાઓ આંસુઓ સાથે વહી શકતી નથી
એટલે તો એ વિના રડવું મને ફાવી ગયું.

મુજ જીવન તો બસ અછાંદસ જેમ જીવાતું હતું ,
તુજ મિલનથી છંદમાં જીવવું મને ફાવી ગયું.

ના અપેક્ષા કોઈની પણ વાહવાહીની કદી ,
બસ નિજાનંદી સફરમાં જીવવું ફાવી ગયું.

યાતનાઓ આયખાને ચીરતી આગળ વધે ,
લઇ કલમની સોઈથી સિવવું મને ફાવી ગયું.

➖➖➖➖➖➖➖

©પૂર્વી  શુક્લ